ٹرینیڈاڈ (ر پورٹنگ آن لائن) آٹھویں کیریبیئن پریمیئر لیگ میں (آج) جمعہ کو آرام کا دن ہے،جس کے باعث کوئی کرکٹ میچ
نہیں کھیلا جائے گا جبکہ لیگ میں (کل) ہفتہ کو مزید دو میچ کھیلے جائیں گے۔ پہلے میچ میں گیانا ایمیزون واریئرز اور جمیکا تلاواز کی ٹیمیں
آمنے سامنے ہوں گی۔ گیانا ایمیزون واریئرز کی ٹیم کرس گرین کی زیر نگرانی میدان میں اترے گی جبکہ جمیکا تلاواز کی قیادت رومین پاؤل
کریں گے ۔ دوسرے میچ میں سینٹ کٹس اینڈ نیوس پیٹریاٹس کا مقابلہ سینٹ لوسیا زوکس سے ہو گا۔ سینٹ کٹس اینڈ نیوس پیٹریاٹس
کی قیادت رایاد ایمرٹ کریں گے جبکہ سینٹ لوسیا زوکس کی کپتانی ڈیرن سمی کریں گے۔ کیریبیئن پریمیئر لیگ کا آٹھواں ایڈیشن
ویسٹ انڈیز میں شروع ہوچکا ہے جس میں دنیائے کرکٹ کے مختلف ممالک کے نامور کھلاڑی ایکشن میں نظر آئیں گے۔
کیریبیئن پریمیئر لیگ کے تمام میچز ٹرینیڈاڈ اینڈ ٹوبیگو کے مقام پر کھیلے جائیں گے۔ لیگ میں فائنل سمیت 33 میچز کھیلے جائیں گے۔
