اسلام آباد (ر پورٹنگ آن لائن ) آم کے حالیہ برآمدی سیزن میں ہدف سے زیادہ 45 ہزار ٹن آم برآمد کئے گئے ہیں۔
آل پاکستان فروٹ اینڈ ویجیٹیبل ایکسپورٹرز امپورٹرز اینڈ مرچنٹس ایسوسی ایشن ( پی ایف وی ای) کے سرپرست اعلیٰ وحید احمد
نے کہا ہے کہ کووڈ 19 کی وبا کے باعث رواں سال کیلئے آم کا برآمدی ہدف 80 ہزار ٹن مقرر کیا گیا تھا تاہم سفری مشکلات
کے باوجود 2020ء کے برآمدی سیزن میں اب تک ایک لاکھ 25 ہزار ٹن آم برآمد کیا جاچکا ہے۔اس طرح برآمدی سیزن میں
ہدف سے زیادہ 45 ہزار ٹن آم برآمد کیے گئے ہیں۔ انہوں نے کہا کہ کورونا وائرس کی بین الاقوامی وبا کے دوران سخت سفری
مسائل اور اقتصادی سست روی کے باوجود آم کی برآمد میں اضافہ خوش آئند ہے۔انہوں نے کہا کہ
برآمدات سے 70 ملین ڈالر کا قیمتی زرمبادلہ کمایا گیا ہے۔
