سکھر(رپورٹنگ آن لائن)آمدن سے زائد اثاثہ جات کیس میں پیپلزپارٹی کے رہنما خورشید شاہ احتساب عدالت سکھر میں پیش ہوئے ،ریفرنس میں شامل ملزمان کی عدم حاضری کے باعث سماعت تین نومبر تک ملتوی کردی گئی ہے۔
تفصیلات کے مطابق پیپلزپارٹی کے رہنما سید خورشید احمد شاہ کو ایمبولینس کے ذریعے این آئی سی وی ڈی ہسپتال سے احتساب عدالت لایا گیا, پیشی کے موقع پر عدالت کے اطراف میں سیکیورٹی کے سخت انتظامات کئے گئے, سماعت کے دوران عدالت نے ریفرنس میں شامل دیگر افراد کے متعلق معلوم کیا جس پر خورشید شاہ کے وکلا نے نامزد افراد کے شہر کے سے باہر ہونے کا بتایا جس پر عدالت نے سماعت تین نومبر تک ملتوی کردی.
خورشید شاہ سمیت ایک ارب 23 کروڑ کا ریفرنس دائر ہے. ریفرنس میں خورشید شاہ کی اہلیہ, بیٹوں اور بھتیجے اویس شاہ سمیت 18 افراد پر ریفرنس دائر ہے۔
