لاہور(رپورٹنگ آن لائن)احتساب عدالت نے آشیانہ ہائوسنگ ریفرنس کی سماعت 17فروری تک ملتوی کردی ۔ احتساب عدالت میں سماعت کے موقع پر مسلم لیگ (ن) کے صدر شہباز شریف کو جیل سے لا کر عدالت میں پیش کیا گیا ۔
عدالت نے دوران سماعت دو گواہوں کے بیانات قلمبند کئے اور سماعت 17فروری تک ملتوی کرتے ہوئے نیب کے گواہوں کو جرح کے لیے طلب کرلیا ۔
مسلم لیگ (ن) کے رہنما سردارایاز صادق،خواجہ سعد رفیق، خواجہ احمد حسان سمیت دیگر رہنما بھی شہباز شریف سے اظہار یکجہتی کے لئے کمرہ عدالت میں موجود تھے ۔ سماعت کے آغاز سے قبل لیگی رہنمائوں نے شہباز شریف سے مجموعی سیاسی صورتحال پر تبادلہ خیال اور آئندہ کے لئے رہنمائی بھی حاصل کی ۔
