اسلام آ باد (رپورٹنگ آن لائن ) سینیٹر مشاہد حسین سید نے کہا ہے کہ آزربائیجان ایک عظیم و مظبوط ملک ہے، پاکستان نے ہمیشہ آزربائیجان کی کھل کر حمایت کی ہے۔
تفصیلات کے مطابق سینیٹر مشاہد حسین سید نے آزربائیجان کے سفیر خضر فرہادوف کی ملاقات کی ، آزربائیجان کے سفیر اور سینیٹر مشاہد حسین سید کی پارلیمنٹ ہاوس میں ملاقات ہوئی۔ مشاہد حسین سید نے آذربائیجان کے سفیر سے گفتگو کرتے ہوئے کہا کہ آزربائیجان ایک عظیم و مظبوط ملک ہے، پاکستان دوسرا ملک تھا جس نے آزربائیجان کو تسلیم کیا، آزربائیجان ہمارا دوست اور برادر ملک ہے۔
سینیٹر مشاہد حسین سید کا کہنا تھا کہ دونوں ممالک کے مابین گہرے دوستانہ تعلقات ہیں جبکہ پاکستان نے ہمیشہ آزربائیجان کی کھل کر حمایت کی ہے۔ سینیٹر مشاہد حسین سید کا کہنا تھا کہ بطور چیئر مین ڈیفنس و خارجہ کمیٹی میں نے آزربائیجان کی حمایت میں پارلیمان سے قراردادیں منظور کرائی تھی۔ واضح رہے آزربائیجان کے سفیر نے دونوں ملکوں کے مابین تعلقات کو مزید مستحکم کرنے کے عزم کا اظہار کردیا۔
