ننکانہ صاحب(رپورٹنگ آن لائن)آئین اور قانون کی بالادستی کا اصول ملکی ترقی کا ضامن ہے،اللہ سب گورنر وفاقی وزیر امور کشمیر گلگت و بلتستان چوہدری محمدبرجیس طاہرنے حلقہ111کے گاؤں سوڈیوال میں بجلی ٹرانسمیشن لائن کے افتتاح کے موقع پر شہریوں سے گفتگو کے دوران کہا کہ ادارے ائین اور قانون کی حد میں رہ کر کام کریں ائین اور قانون کی بالادستی کا اصول ملکی اور معاشرتی ترقی کا ضامن ہے،ادارے آئین اور قانون کی حدمیں رہ کر عوام کی خدمت کریں،عام شہری اور مزدور کی توہین برداشت نہیں کی جائے گی تمام ادارے اپنی حدود میں رہتے ہوئے کام کریں اور عام ادمی کو ریلیف فراہم کریں،آئین اورقانون کی بالا دستی ملک میں امن و امان اورمعاشرتی و سماجی ترقی کی ضامن ہے، ترقی یافتہ ممالک کی ترقی کاراز قانون کی بالا دستی کو بروئے کار لانا ہے،
انہوں نے کہا کہ پاکستان میں آئین اورقانون کے عدم توازن سے مسائل بڑھے۔ان کا مزید کہنا تھاکہ آنے والا وقت نوجوانوں کاہے،نوجوان تربیت کے ساتھ ساتھ محبت اور عزت نفس کی متلاشی ہے ان کی تربیت دینی تعلیم کے ساتھ ساتھ فنی تربیت بھی وقت کااہم تقاضہ ہے،نوجوان آگے بڑھیں اور ملک کی باگ دوڑ میں اپنا کردار ادا کرے
انہوں نے خطاب کے دوران کہا کہ کہ میاں نوازشریف کے وڑن کے مطابق صوبائی اور وفاقی حکومتیں ملک سے مہنگائی،بے روزگاری اور جوانوں کوتربیت اورروزگارکی فراہمی میں ہرممکن اقدامات کررہی ہیں۔جن میں وزیراعلی پنجاب محترمہ مریم نوازشریف کی کارکردگی سب کے لئے آئینہ دارہے،اس موقع پر لیسکو حکام،کو آرڈینیٹر لیسکو حلقہ نے111چوہدری عبدالجبار اپل،کوآرڈینیٹر این اے111محمد عاصم رندھاوا،چوہدری نوید سیان سمیت ورکروں کارکنوں اور اہل علاقہ کی بھاری تعداد موجود تھی۔
٭٭٭٭٭٭٭
