گاڑیوں کی دستاویزات کی سکیننگ ایک بار پھر رک گئی۔کمپنی نےایکسائز ڈیپارٹمنٹ کو خط لکھ دیا

شہباز اکمل جندران۔۔۔

ہیمسن پرائیویٹ لمیٹڈ نامی کمپنی کے پراجیکٹ ڈائیریکٹر نے ایکسائز ٹیکسیشن اینڈ نارکوٹکس کنٹرول ڈیپارٹمنٹ پنجاب کو خط لکھا ہے کہ ماہ اکتوبر کے واجبات ادا کریں۔بصورت دیگر گاڑیوں کی دستاویزات کی سکیننگ کا عمل رک جائیگا۔

ایڈیشنل ڈائریکٹر جنرل ایکسائز ٹیکسیشن اینڈ نارکوٹکس کنٹرول ڈیپارٹمنٹ پنجاب راو شکیل الرحمن کو لکھے گئے خط میں بیان کیا گیا ہے کہ 30مئی 2018 کو ایکسائز ٹیکسیشن اینڈ نارکوٹکس کنٹرول ڈیپارٹمنٹ پنجاب سے گاڑیوں کے کاغذات کی سکیننگ کا معاہدہ ہوا۔جس کی روشنی میں محکمے نے تاحال اکتوبر 2020کے واجبات ادا نہیں کئے۔

جبکہ واجبات کی عدم ادائیگی کی وجہ سے کمپنی اپنے ملازمین کو تنخواہیں ادا کرنے سے قاصر ہے۔اور تنخواہوں کی عدم ادائیگی پر کمپنی کا آپریشن متاثر ہوسکتا ہے۔اور گزار ہوں کی سکیننگ کا عمل رک سکتا ہے۔

ادھر ذرائع نے دعوی کیا ہے کہ عدم ادائیگی کی وجہ سے کمپنی نے دستاویزات کی سکیننگ کا عمل بند کردیا ہے۔جس کے باعث صوبے میں ان فیڈ گاڑیوں کی تعداد پانچ لاکھ سے تجاوز کر گئی ہے۔

ذرائع کا یہ بھی کہنا ہے کہ اس سارے عمل میں ایڈیشنل ڈائیریکٹر جنرل ایکسائز راو شکیل الرحمن کا کردار غیر تسلی بخش ہے۔اور وہ اپ ی ذمہ داریاں احسن طریقے سے انجام نہیں دے پارہے