اسلام آباد(رپورٹنگ آن لائن) پاکستان کی آٹو موٹیو انڈسٹری بحالی کے مضبوط اشارے دکھا رہی ہے جس نے مالی سال 2025 کی پہلی سہ ماہی میں مثبت اقتصادی رفتار کی لہر میں حصہ ڈالا پاکستان آٹو موٹیو مینوفیکچررز ایسوسی ایشن کے ایک سینئر نمائندے نے بتایاکہ آٹو موٹیو سیکٹر کی بحالی نہ صرف صارفین کی طلب میں اضافے کا اشارہ دیتی ہے بلکہ وسیع تر اقتصادی لچک اور بحالی کی بھی عکاسی کرتی ہے آٹو موٹیو سیکٹر نے اس عرصے کے دوران پیداوار اور فروخت دونوں میں نمایاں دوہرے ہندسے کی نمو ریکارڈ کی.
وزارت خزانہ کی طرف سے اکتوبر کے ماہانہ آ?ٹ لک میں جاری کردہ اعداد و شمار کے مطابق ملک کی آٹوموبائل کی پیداوار میں جولائی سے ستمبر کے دوران متاثر کن 18.1 فیصد کا اضافہ ہوا جبکہ فروخت میں تقریبا 17.0 فیصد اضافہ ہوا ترقی کی یہ رفتار صنعت میں ایک ممکنہ بحالی کا اشارہ دیتی ہے حالانکہ پچھلے اقتصادی چیلنجوں اور غیر یقینی صورتحال نے آٹوموٹو مارکیٹ کو متاثر کیا تھا گاڑیوں کے متعدد زمروں میں قابل ذکر اضافہ نے بحالی کا باعث بنا۔کاروں کی پیداوار میں 29.9 فیصد اضافہ ہواجس سے صارفین کی بڑھتی ہوئی طلب اور مقامی مارکیٹ میں اعتماد میں اضافہ ہوتا ہے ٹرکوں اور بسوں کی پیداوار میں 95.5 فیصد اضافہ ہوا جو تجارتی اور بنیادی ڈھانچے کی ترقی کے شعبوں میں مضبوط سرگرمیوں کا ایک ممکنہ اشارہ ہے جیپ اور پک اپ کے زمرے نے بھی نمایاں طور پر حصہ ڈالا اس کی پیداوار میں سالانہ 34.1 فیصد اضافہ ہوا یہ وسیع البنیاد ترقی شعبے کی لچک کو واضح کرتی ہے اور تجویز کرتی ہے کہ گاڑیوں کی ذاتی اور تجارتی دونوں حصوں میں مانگ بڑھ رہی ہے جو گزشتہ مالیاتی مندی کے صنعت پر اثر انداز ہونے کے بعد ایک مثبت پیش رفت ہے.
انہوں نے کہاکہ زیادہ مستحکم معاشی ماحول اور کم مہنگائی کے دبا ونے صارفین کی قوت خرید میں بہتری لائی ہے جس سے گاڑیوں کی طلب پر براہ راست اثر پڑتا ہے مزید برآں لوکلائزیشن کے مقصد سے پالیسی اصلاحات کے ذریعے حکومت کی حمایت نے مہنگے درآمدی اجزا پر انحصار کم کر دیا ہے جس سے پیداوار زیادہ پائیدار اور سستی ہو گئی ہے اس مثبت پیشرفت سے پہلے صنعت گاڑیوں کی فروخت میں کمی سے نمٹ رہی تھی اگرچہ یہ اضافہ ایک خوش آئند پیش رفت ہے لیکن پاکستان کی آٹو موٹیو انڈسٹری میں چیلنجز بدستور موجود ہیں چیلنجوں سے نمٹنے کے لیے پالیسی سازوں، صنعت کاروں اور مالیاتی اداروں کو ایک ایسا ماحول بنانے کے لیے تعاون کرنا چاہیے جو سستی اور رسائی کو فروغ دے انہوں نے کہاکہ سیکٹر کو مزید سپورٹ کرنے کے لیے حکومت کو آٹو پارٹس مینوفیکچرنگ کو مقامی بنانے کے لیے پالیسیوں کو فعال طور پر فروغ دینا چاہیے تاکہ درآمدات پر انحصار کم ہو اور لاگت کو مستحکم کیا جا سکے.
