بیجنگ (رپورٹنگ آن لائن) کمیونسٹ پارٹی آف چائنا کے ایک وفد نے متعدد ممالک کا دورہ کیا اور سی پی سی کی بیسویں مرکزی کمیٹی کے چوتھے کل رکنی اجلاس کے فیصلوں اور روح کو اجاگر کیا ۔
اطلاعات کے مطابق، وفد نے برطانیہ، مالٹا، ترکیہ، مصر، کرغزستان، ازبکستان، منگولیا اور سنگاپور کا دورہ کیا، جہاں اس نے متعلقہ ممالک کے سرکاری حکام اور سیاسی جماعتوں کے رہنماؤں سے ملاقاتیں کیں اور خصوصی تعارفی و آگاہی نشستوں کا انعقاد کیا۔ اس دوران مختلف ممالک کی سیاسی جماعتوں، حکومتوں، پارلیمانوں، تھنک ٹینکس، کاروباری و صنعتی حلقوں، مقامی اداروں، نوجوانوں اور میڈیا سمیت مختلف شعبوں سے تعلق رکھنے والے افراد کو بیسویں مرکزی کمیٹی کے چوتھے کل رکنی اجلاس کے فیصلوں اور نکات سے تفصیلی طور پر آگاہ کیا گیا۔
متعدد ممالک کے نمائندوں نے سی پی سی کی بیسویں مرکزی کمیٹی کے چوتھے کل رکنی اجلاس کی چین اور دنیا کے لیے اہمیت کو سراہا، چین کی معاشی ترقی کو عالمی سطح پر استحکام اور پیش بینی فراہم کرنے والا عنصر قرار دیا، اور چین کی جانب سے اعلیٰ معیار کی کھلی خارجہ پالیسی کے نفاذ کا خیرمقدم کیا۔ انہوں نے چین کے ساتھ عملی تعاون کو مزید گہرا کرنے اور دوطرفہ تعلقات کو آگے بڑھانے کی خواہش کا اظہار کیا۔
غیر ملکی فریقوں نے چین کے”پندرہویں پانچ سالہ منصوبے” کے ترقیاتی امکانات پر بھی مثبت نظر ڈالی اور اس عرصے میں اعلیٰ معیار کی ترقی سے جنم لینے والے مواقع سے فائدہ اٹھانے پر زور دیا۔ متعدد ممالک نے اس عزم کا اظہار کیا کہ وہ چین کے ساتھ گورننس تجربات کے تبادلے اور ترقیاتی حکمت عملیوں کے باہمی ربط کو مضبوط بنائیں گے اور جدیدیت کی مشترکہ پیش رفت کے لیے تعاون کو فروغ دیں گے۔
