اسلام آ باد (رپورٹنگ آن لائن ) قومی سلامتی کے مشیر ڈاکٹر معید یوسف نے کہا ہے کہ مقبوضہ کشمیر بھارت کی انسانی حقوق کی خلاف ورزی خطے میں امن کے لیے خطرہ ہیں۔
تفصیلات کے مطابق امریکہ کی نائب سیکرٹری آف سٹیٹ وینڈی شرمن کی قومی سلامتی کے مشیر ڈاکٹر معید یوسف سے ملاقات ہوئی جہاں پاک امریکہ وفود کی باہمی امور اور خطے میں بدلتی صورتحال پر تبادلہ خیال ہوا جبکہ ملاقات میں معاشی تعاون ، تجارت، خطے کی سیکورٹی صورت اور افغانستان پر بھی تبادلہ خیال ہوا۔ قومی سلامتی کے مشیر ڈاکٹر معید یوسف کا کہنا تھا کہ عالمی برادری کو افغانستان کی نئی عبوری حکومت سے بات کرنے اور روابط قائم رکھنے کی ضرورت ہے ۔
