کراچی(رپورٹنگ آن لائن)پاک سر زمین پارٹی کے چیئرمین مصطفی کمال نے کہا ہے کہ کراچی کے مسائل کے حل کے لیے ریاستی اداروں کو شامل کرنا پڑےگا۔مصطفی کمال نے کہا کہ دیکھنا ہوگا کمیٹی کام کیسے کرےگی،اپنے اختیارات کا استعمال کیسے کرےگی۔
انہوں نے کہا کہ شہر قائد کو چلانا ہے تو کچھ اسٹرٹیجک فیصلے کرنے ہوں گے،کراچی کے مسائل پر کمیٹی کا قیام مستقل حل نہیں،کمیٹیوں سے مسائل حل نہیں ہوا کرتے۔ کراچی کے مسائل کے حل کے لیے ریاستی اداروں کو شامل کرنا پڑےگا،اگر ان لوگوں کے پاس حل ہوتا تو مسائل پہلے ہی حل ہوچکے ہوتے۔انہوں نے کہا کہ 18ویں ترمیم سے صوبہ خود مختار نہیں ہوا،اختیار وزیراعلی کے پاس جمع ہوگئے۔
مصطفی کمال نے کہا کہ این ایف سی کی طرح پی ایف سی ایوارڈ بھی دینا چاہیے۔ مصطفی کمال نے کہا کہ سندھ ماں ہے تو کراچی دل ،آپ نے اس کو 6حصوں میں تقسیم کر دیا۔
