رپورٹنگ آن لائن
ڈائریکٹر جنرل اور سیکرٹری ایکسائز ٹیکسیشن اینڈنارکوٹکس کنٹرول ڈیپارٹمنٹ پنجاب کو لاہور میں پراپرٹی ٹیکس کی ریکوری میں ناکامی کا سامنا ہے۔صوبے کے اہم ترین ریجن، لاہور ریجن اے میں سینئر ڈائریکٹر محمد مشتاق فریدی کو تعینات کیا گیا۔جن کی ناقص پالیسی کی وجہ سے ریکوری ڈیڈ اینڈ پر جاپہنچی ہے۔
زرائع کے مطابق لاہور ریجن اے کو مالی سال 2025-26کے لیے پراپرٹی ٹیکس کی وصولی کا حدف 5ارب اور 30کروڑ روپے دیا گیا ہے۔جس کے جواب میں 31اگست تک مذکورہ ریجن محض ساڑھے 4فیصد کے تناسب سے 25کروڑ10لاکھ روپے ہی ریکور کرسکا ہے۔جس پر ڈائریکٹر جنرل عمر شیر چٹھہ نے ڈائریکٹر ریجن اے کی سرزنش کرتے ہوئے ریکوری حدف کے مطابق کرنے کی وارننگ دی ہے۔
دوسری طرف ذرائع کا کہنا ہے کہ ڈائریکٹر مذکورخود کو سیکرٹری ایکسائز کا چہیتا قرار دیتے ہوئے ڈی جی کی ہدایات کو خاطر میں نہیں لاتے اور اپنی مرضی سے کام کرتے ہیں انہوں نے ماتحت کلرکوں کو حکم جاری کر رکھا یے کہ فیلڈ میں ڈیوٹی کریں اور جو کلرک فیلڈ میں جانے کی بجائے اپنی جاب ڈسکرپشن اور ایس او پیز کے مطابق کام کرنے کی کوشش کرتا ہے تو اس سے تحریری وضاحت طلب کرلی جاتی ہے۔
انہوں نے کلرکوں کو فیلڈ میں اور چہیتے انسپکٹروں کو دفتر میں پابند کررکھا ہے۔اور ان سے کلرک کا کام لینا شروع کردیا۔ان میں انسپکٹر عزیر اور انسپکٹر طیبہ کو ایڈمن میں، انسپکٹر عمار اور انسپکٹر ابو بکر کو ڈائریکٹوریٹ میں، انسپکٹر آصفہ کو اپیل برانچ میں اور انسپکٹر ڈائریکٹر ڈسپیچ کلرک کی سیٹ پر تعینات کر رکھا ہے۔
اور ریجن سے تبدیل ہونے والے انسپکٹروں کے سرکل دیگر انسپکٹروں کو اضافی چارج کے طورپر دے رکھے ہیں۔جس کی وجہ سے ریجن اے کی ریکوری ناہونے کے برابر ہے
