کراچی (رپورٹنگ آن لائن)پاکستان کی سینئر اداکارہ صبا حمید نے اداکارہ حبا بخاری کو ڈرامے کی شوٹنگ کے دوران حقیقت میں تھپڑ مارنے کا انکشاف کیا۔حال ہی میں سینئر اداکارہ نے نجی ٹی وی کے پروگرام میں مختلف ڈراموں کے ہٹ سینز پر گفتگو کی۔صبا حمید نے مشہور ڈرامے”فتور”کے حوالے سے بات کی جس میں انہوں نے بیٹی کا کردار ادا کرنے والی اداکارہ حبا بخاری کو تھپڑ مارنے کا قصہ سنایا۔
سینئر اداکارہ نے کہا کہ میں ڈرامے میں شوٹنگ کے دوران چیٹیگ کرنے میں ماہر ہوں لیکن ڈائریکٹر کی جانب سے مجھے بہت زور دیا گیا کہ انہیں تھپڑ مارنے کا سین حقیقت میں کرنا ہے، تو پھر میں نے سچ میں ہی تھپڑ مار دیا جو حبا بخاری کو زور سے لگا اور بعد میں معافی بھی مانگی۔
