کراچی(رپورٹنگ آن لائن)چیئرمین ایم کیو ایم پاکستان ڈاکٹر خالد مقبول صدیقی کا وزیر اعظم شہباز شریف سے ٹیلیفونک رابطہ، وفاقی وزیر تعلیم نے مقامی حکومتوں کے استحکام کے لئے پنجاب اسمبلی کی منظور کی گئی قرارداد پر وزیر اعظم کو مبارکباد پیش کی.
انہوں نے کہاکہ یہ قرارداد جمہوریت کی بنیادوں کو مضبوط کرنے کے لئے اہم سنگ میل ہے اور اس قرارداد کے منظور ہونے پر پوری قوم پنجاب اسمبلی کی مشکور ہے، خالد مقبول صدیقی نے اس عزم کا اظہار کیا کہ اب انشااللہ اب جمہوریت کے ثمرات عام پاکستانیوں تک پہنچ پائیں گے اور کمزور اور پسماندہ طبقات کو حقوق ملیں گے.
وزیراعظم شہباز شریف نے چیئرمین ایم کیو ایم کا شکریہ ادا کہا اور انکے لئے نیک جذبات کا اظہار کیا۔
