بیجنگ (رپورٹنگ آن لائن) چین کے صدرِ شی جن پھنگ نے ایک تہنیتی پیغام میں تولام کو ویتنام کا صدر منتخب ہونے پر مبارکباد دی۔
منگل کے روزشی جن پھنگ نے اپنے پیغام میں کہا کہ چین اور ویتنام اسٹریٹجک اہمیت کے حامل ہم نصیب معاشرے ہیں۔ حالیہ برسوں میں دونوں جماعتوں اور دونوں ممالک کی قیادت کی مشترکہ رہنمائی اور کوششوں سے چین ویتنام تعلقات نے نمایاں ترقی حاصل کی ہے، جامع اسٹریٹجک تعاون کے ثمرات بھرپور انداز میں سامنے آئے ہیں اور دونوں ممالک کے عوام کو حقیقی فوائد حاصل ہوئے ہیں۔ رواں سال کے آغاز سے دونوں فریق اعلیٰ سطح اسٹریٹجک رابطے برقرار رکھے ہوئے ہیں اور ہمہ جہتی باہمی فائدہ مند تعاون کو مسلسل آگے بڑھا رہے ہیں، جس سے “رفیق اور بھائی” جیسی گہری دوستی کا بھرپور اظہار ہوتا ہے۔
شی جن پھنگ نے زور دیا کہ دنیا میں تیزی سے رونما ہونے والی بڑی تبدیلیوں کے تناظر میں چین اور ویتنام کے درمیان اتحاد اور تعاون کو مضبوط بنانا دونوں جماعتوں اور دونوں ممالک کے مشترکہ مفاد میں ہے۔ انہوں نے کہا کہ وہ چین اور ویتنام کے تعلقات کی ترقی کو نہایت اہمیت دیتے ہیں اور تولام کے ساتھ مل کر مشترکہ ترقی کو فروغ دینے ، چین ویتنام ہم نصیب معاشرے کی تعمیر کو مسلسل آگے بڑھانے، دونوں ممالک کے سوشلسٹ نظام کی مضبوطی اور عوام کی بہتری کے لیے کوششیں جاری رکھنے اور خطے سمیت دنیا میں استحکام اور مثبت توانائی پیدا کرنے کے خواہاں ہیں۔
اسی دن، چین کے وزیراعظم لی چھیانگ نے لی من شنگ کو ویتنام کا وزیرِاعظم منتخب ہونے پر مبارکباد کا پیغام ارسال کیا۔
