بیجنگ (رپورٹنگ آن لائن) سی پی سی کی مرکزی کمیٹی کے جنرل سکریٹری شی جن پھنگ نے2025 میں عوام کی فلاح و بہبود اور ترقی کا ہمیشہ خیال رکھا، اور ان کے اقدامات کبھی نہیں رکے۔
دیہاتوں ، ڈونگ اقلیتی گاؤں ، قدیم شہروں اور باغات کا معائنہ کرتے وقت ، جنرل سکریٹری شی جن پھنگ نے “چینی طرز جدیدیت کو بہتر بنانے” کی حوصلہ افزائی کی؛ اہم اجلاسوں کی صدارت کرتے ہوئے، فیکٹریوں اور کارخانوں، نیز سائنس و ٹیکنالوجی کے تحقیقی محاذوں کا عملی معائنہ کرتے ہوئے، شی جن پھنگ نے چینی طرز جدیدیت کے حوالے سے نئے خیالات، نئے نظریات اور نئے تصورات پیش کیے؛ لی جیانگ قدیم شہر، وائٹ ہارس ٹیمپل، شاہی محل میوزیم کے دوروں اور انقلابی تاریخی مقامات پر حاضری دیتے ہوئے، شی جن پھنگ نے پورے معاشرے کو ثقافتی خود آگاہی میں ثقافتی ورثے کی میراث اور اقدار کی بنیادوں کو مضبوط کرنے کی رہنمائی کی۔
3 ستمبر کو، جاپانی جارحیت کے خلاف چینی عوام کی مزاحمتی جنگ اور عالمی فسطائیت مخالف جنگ میں فتح کی اسیویں سالگرہ کے موقع پر منعقدہ عظیم الشان عسکری پریڈ میں، شی جن پھنگ نے کہا کہ چینی قوم کی عظیم نشاۃِ الثانیہ کو روکا نہیں جا سکتا!شی زانگ خود اختیار علاقے کی 60 ویں سالگرہ اور سنکیانگ ویغور خود اختیار علاقے کی 70 ویں سالگرہ کے موقع پر، شی جن پھنگ نے مرکزی وفد کی قیادت کرتے ہوئے جشن کی تقریبات میں شرکت کی۔
سی پی سی کی بیسویں مرکزی کمیٹی کے چوتھے کل رکنی اجلاس میں ” سی پی سی مرکزی کمیٹی کی جانب سے قومی معیشت اور سماجی ترقی کے پندرہویں پانچ سالہ منصوبے کے بارے میں تجاویز ” کا جائزہ لیا گیا اور اس کی منظوری دی گئی۔ یہ کام جنرل سکریٹری شی جن پھنگ کی قیادت اور بھرپور رہنمائی میں مکمل ہوا۔
نئے سال میں، چینی عوام جنرل سکریٹری شی جن پھنگ کی قیادت میں سنٹرل کمیٹی کے گرد اور بھی زیادہ مضبوطی سے متحد ہوں گے،تاکہ شاندار منصوبوں کو قدم بہ قدم حقیقت میں بدلا جا سکے۔
