اسلام آباد(رپورٹنگ آن لائن ) وفاقی وزیر اطلاعات سینیٹر شبلی فراز نے کہا ہے کہ پی ڈی ایم کی 31 جنوری کی ڈیڈ لائن گزر گئی، استعفے دینے کی کھوکھلی دھمکی بھی آشکار ہوگئی۔
سماجی رابطے کی ویب سائٹ ٹوئٹر پر پانے بیان میں سینیٹر شبلی فراز کہا کہ قوم کو پتہ چل گیا کہ ان کا ایجنڈا ذاتی مفاد اور ہوس اقتدار ہے، اپوزیشن کی حسرتیں اور سازشیں دم توڑ گئی ہیں۔
انہوں نے مزید کہا کہ عوام نے اپوزیشن کے ہر قول و فعل کو یکسر مسترد کر کے منتخب جمہوری حکومت کا ساتھ دیا۔
