کراچی (رپورٹنگ آن لائن)قومی ٹیم کے سابق کپتان راشد لطیف نے کہا ہے کہ پی سی بی سینٹرل کنٹریکٹ دے لیکن کھلاڑیوں کے کمرشل رائٹس کیسے لے سکتا ہے۔
راشد لطیف نے سوشل میڈیا پر گفتگو کرتے ہوئے کہا کہ کنٹریکٹ ایک سال کا ہوتا ہے، تین سال کا کنٹریکٹ کیسے کیا جاسکتا ہے، کھلاڑی سینٹرل کنٹریکٹ پردستخط لازمی کریں تاہم کمرشل رائٹس پر سوچ کر فیصلہ کریں کیونکہ کمرشل رائٹس کھلاڑیوں کا حق ہے۔
انہوں نے کہا کہ ماضی میں ہم یہ غلطیاں کرچکے ہیں۔سابق کپتان نے کہا کہ پلیئرز ایسوسی ایشن ہونی چاہیے جو کھلاڑیوں اور بورڈ سے بات کرے۔
