اسلام آباد (رپورٹنگ آن لائن)پیپلز پارٹی کامنی بجٹ مسترد کرنے کا اعلان کرتے ہوئے کہا ہے کہ پیپلز پارٹی آئی ایم ایف شرائط پر عوام الناس کی جیبوں پر 360ارب روپے نئے حکومتی ڈاکہ کو مسترد کرتی ہے سیکرٹری جنرل پیپلز پارٹی نیئر بخاری نے اپنے ایک بیان میں کہا کہ 140اشیا ضروریہ پر 17فی صد سیلز ٹیکس غریب خاتمہ مشن ہے ،
آئی ایم ایف تنخواہ دار حکمران عوام الناس کے لئے خطرہ جان بن گئے ہیں ،ناائق کپتان اور ناائل حکومتی ٹیم نے معیشت خطرے کے کنارے پر کھڑی کر دی ہے ،17فی صد سیلز ٹیکس ہوشربا مہنگائی میں مزید اضافہ کے زریعے لوگوں کو زندہ درگور کرنا ہے، آئی ایم ایف کے پاس معیشت گروی خزانہ کی کنجیاں حوالے کرنے والے عوام دشمنی کی حدیں عبور کر رہے ہیں ، انہوں نے کہا کہ عوام ہوشربا مہنگائی کے ہاتھوں نڈھال عوام پر سیلز ٹیکس اضافہ بم گرایا جائے گا ، پیپلز پارٹی نالائق نااہل حکمرانوں سے نجات کیلئے احتجاج جاری رکھے ہوئے ہے۔
