لاہور (رپورٹنگ آن لائن) پنجاب پروٹیکشن آرنرشپ ایکٹ2025ء کے خلاف آئینی درخواست لاہور ہائیکورٹ میں دائر کردی گئی۔
درخواست تحریک انصاف کے اراکین پنجاب اسمبلی شیخ امتیاز محمود اور اعجازشفیع نے دائرکی جس میں موقف اختیارکیا گیا ہے کہ ایکٹ کے تحت جائیداد سے متعلق اختیارات انتظامیہ کودیکر آئین کی خلاف ورزی کی گئی، ڈسپیوٹ ریزولیشن کمیٹی میں فریقین کو وکیل کے ذریعے پیش ہونے کی اجازت نہیں۔
درخواست میں یہ بھی کہا گیا کہ سول عدالتوں کادائرہ اختیارختم کرنا آئین سے متصادم ہے، ایگزیکٹو اور عدالتی اختیارات کو یکجاکرنا عدلیہ کی آزادی پر حملہ ہے۔درخواست گزار نے استدعا کی کہ پراپرٹی آرنرشپ ایکٹ اور اس کے تحت ہونے والے تمام اقدامات کالعدم قرار دیئے جائیں۔
