لاہور (رپورٹنگ آن لائن ) آشوب چشم کیسز میں کمی کے لیے بند پنجاب کے سکول 4 روز بعد دوبارہ کھل گئے۔وزیراعلی پنجاب محسن نقوی کا کہنا ہے کہ سختی کے ساتھ ایس او پیز پر عمل درآمد کرایا جائے گا، اساتذہ گیٹ پر سکول آنے والے ہر بچے کی آنکھیں چیک کریں گے۔
دوسری جانب پنجاب میں آشوب چشم کیسز میں بڑی کمی نہ آ سکی اور 24گھنٹوں میں آشوب چشم کے مزید 9ہزار 401 کیسز سامنے آئے ہیں۔بہاولپور میں سب سے زیادہ 1ہزار 577کیسز رپورٹ ہوئے ہیں، فیصل آباد اور ملتان میں 761افراد متاثر ہوئے ۔
