پرنسپل پی جی ایم آئی کے والد پروفیسر ڈاکٹر محمد حیات ظفرکی برسی اتوار کو ہو گی

لاہور(ر پورٹنگ آن لائن)صدر پاکستان میڈیکل اینڈ ڈینٹل کونسل اور یونیورسٹی آف ہیلتھ سائنسز کے پہلے وائس چانسلر پروفیسر ڈاکٹر محمد حیات ظفر جو پوسٹ گریجویٹ میڈیکل انسٹی ٹیوٹ کے موجودہ پرنسپل پروفیسر ڈاکٹر سردار محمد الفرید ظفر کے والد تھے کی 16ویں برسی 27دسمبر بروز اتوار اُن کے آبائی گاؤں سلطان محمود تحصیل کبیر والا میں منائی جائے گی۔پروفیسر حیات ظفر کا شمار قائد اعظم محمد علی جناح کے قریبی اور با اعتماد ساتھیوں میں ہوتا تھا جنہوں نے قیام پاکستان کی تحریک میں بھی نا قابل فراموش خدمات سر انجام دیں۔پروفیسرمحمد حیات ظفر مرحوم نے کالج آف فزیشنز اینڈ سرجنز کے صدر،چیئرمین بورڈ آف مینجمنٹ اور نشتر میڈیکل کالج کے پرنسپل کے عہدوں پر خدمات سر انجام دیں۔پروفیسر محمد حیات ظفر کی روح کے ایصال ثواب کے لئے دعائے مغفرت اور قرآن خوانی 27دسمبر کو اُن کی رہائش گاہ پر صبح 10بجے شروع ہوگی اور بعد از نماز ظہر دعا کی جائے گی۔