ننکانہ صاحب(رپورٹنگ آن لائن)پاکستان کے پچیس کروڑ عوام مدینہ منورہ میں شہادت کے لئے ہمہ وقت تیار ہیں اور یہ پاکستانی قوم اور پاکستانی فوج کے لئے بہت بڑے اعزاز کی بات ہے کہ ہمیں ہمارے رب نے اپنے اور اپنے پیارے حبیب کے گھر کیلئے چن لیا ہے اور پاکستان کا بچہ بچہ آج فخر محسوس کر رہا ہے.
سابق وفاقی وزیر امور کشمیر و گلگت بلتستان چوہدری محمد برجیس طاہر نے ان خیالات کا اظہار گذشتہ روز پاکستان مسلم لیگ ن سانگلہ ہل کے پبلک سیکرٹریٹ میں سیلاب سے متاثرہ علاقوں میں اپنی خدمات انجام دینے والے مسلم لیگی کارکنوں کے اعزاز میں منعقدہ ایک پروقار تقریب تقسیم تعریفی اسناد و شیلڈ میں ایک بڑے اجتماع سے خطاب کرتے ہوئے کیا.
انہوں نے کہا کہ ہمیں پاکستانی فوج پہ فخر ہے کہ آج پوری دنیا ہماری فوج کی جراتمندی اور بہادری کی معترف ہے اور پاکستانی قوم کے سر فخر بلند ہو گئے ہیں کہ آج خانہ کعبہ کی حرمت اور نبء دوجہاں کے روزے کی چاکری ہمارے ملک کے حصے میں آئی ہے اور پاکستان کی پچیس کروڑ عوام مدینہ منورہ اور خانہ کعبہ پہ اپنی جانیں قربان کرنے کرنے کیلئے ہر وقت تیار ہیں بعدازاں چوہدری محمد برجیس طاہر نے پنجاب بھر میں سیلاب سے متاثرہ علاقوں میں امدادی سامان لے کر جانے اور سیلاب سے متاثر ہونے والے خاندانوں کی خدمت احسن طریقے سے انجام دینے والے مسلم لیگی کارکنوں اور رہنماں میں تعریفی اسناد تقسیم کیں جبکہ پاکستان مسلم لیگ ن این اے111 کے کوآرڈینیٹر چوہدری محمد عاصم رندھاوا اور پی پی132 کے کوآرڈینیٹر چوہدری علی طارق چیمہ کو خصوصی شیلڈز پیش کرتے ہوئے کہا کہ آج میرا سر فخر سے بلند ہے.
کہ میرے یہ دست و بازو ہر اس سیلاب زدہ علاقے میں مالی امداد اور خوراک لے کر پنہچے ہیں جو علاقے ہمارے حلقہ میں بھی نہیں تھے کیونکہ ہمارے دلوں میں صرف اور صرف جذبہ خدمت تھا اور وجہ تھی کہ میرے جان نثار ساتھی بہاولپور تک کے متاثرہ علاقوں میں امدادی ساز و سامان لے کر پنہچے اور ان کا عمل قابل تحسین و قابل ستائش ہے اس پروقار تقریب کی نقابت چوہدری مدثر عزیز نے کی اور تقریب کے آخر میں پاکستان کی سلامتی کے لئے خصوصی دعا مانگی گئی۔
