اسلام آ باد (رپورٹنگ آن لائن ) وفاقی وزیر منصوبہ بندی اسد عمر نے کہا ہے کہ چین کے چیمبر آف کامرس اینڈ انڈسٹری اور ٹیکسٹائل کمپنیوں کے ساتھ مذاکرات کر رہے ہیں، مذاکرات میں ٹیکسٹائل مصنوعات کی درآمد اور برآمد کے حوالے سے بات چیت ہو گی،
سماجی رابطے کی ویب سائٹ ٹوئٹر پر اپنے ایک بیان میں اسد عمر نے کہا چین کی ٹیکسٹائل کمپنیوں کو پاکستان کی مسابقت کو بنیاد ہوئے ٹیکسٹائل برآمدات بڑھانے کیلئے سرمایہ کاری پر راغب کریں گے، پاکستان کی ٹیکسٹائل برآمدات میں حالیہ اضافہ ہمارے موقف کو مضبوط بناتا ہے۔
