اسلام آ باد (رپورٹنگ آن لائن) مشیر تجارت عبدالرزاق داود نے کہا ہے کہ پاکستان میں معیشت کی بحالی کے عمل کا آغاز ہوچکا ہے، برآمدات کو بڑھانے کیلئے اقدامات کئے جارہے ہیں ،سرمایہ کاری کے ماحول کو بہتر بنانے میں حکومت نے اہم کردار ادا کیا ہے، کاروبار میں آسانیوں کے مواقع کی وجہ سے سرمایہ کاروں کے اعتماد میں اضافہ ہوا ہے۔ تفصیلات کے مطابق مشیر تجارت عبدالرزاق داود نے سرمایہ کاری بورڈ کی 7 ویں اصلاحاتی پلان کی افتتاحی تقریب سے خطاب کرتے ہوئے کہا ہے کہ سرمایہ کاری لانے کیلئے کاروبار میں آسانیوں کیلئے اقدامات کئے گئے ہیں، پاکستان ان چند ممالک میں شامل ہے جس نے کورونا وبا پر قابو پایا ہے۔
ان کا کہنا ہے کہ سرمایہ کاری کے ماحول کو بہتر بنانے میں حکومت نے اہم کردار ادا کیا ہے، کاروبار میں آسانیوں کے مواقع کی وجہ سے سرمایہ کاروں کے اعتماد میں اضافہ ہوا ہے۔ انھوں نے کہا ہے کہ جب یہ حکومت آئی تھی تو ڈی انڈسٹریلائزیشن تھی جس کو ہم بہتری کی طرف لیکر گئے ہیں،ہماری معیشت درست سمت میں ہے اور معاشی اشاریے بہتر ہورہے ہیں، دنیا میں تمام ممالک کیلئے معاشی چیلنجز موجود ہیں۔ مشیر تجارت عبدالرزاق داود نے مزید کہا ہے کہ پاکستان میں معیشت کی بحالی کے عمل کا آغاز ہوچکا ہے، برآمدات کو بڑھانے کیلئے اقدامات کئے جارہے ہیں جس میں کامیاب ہوئے ہیں۔
