اسلام آباد(رپورٹنگ آن لائن) وفاقی وزیر سائنس و ٹیکنالوجی فواد چوہدری نے کہا ہے کہ بے نظیر بھٹو کے قافلے پر حملے کی ذمہ داری ٹی ٹی پی نے قبول کی تھی اور اسی ٹی ٹی پی کے دوست جلسے کی قیادت کر رہے ہیں۔
سماجی رابطے کی ویب سائٹ ٹوئٹر بیان میں انہوں نے کہا کہ 13سال قبل پاکستان کی تاریخ کا سب سے بڑا خودکش حملہ ہوا تھا جس میں بے نظیر بھٹو شہید کے قافلے کو ٹارگٹ کیا گیا۔انہوں نے کہا کہ سانحہ کارساز میں 180لوگ شہید اور 500سے زائد لوگ زخمی ہوئے تھے۔
وفاقی وزیر نے کہا کہ بے نظیر بھٹو کے قافلے پر ہونے والے حملے کی ذمہ داری ٹی ٹی پی نے قبول کی تھی لیکن اسی جگہ پی ڈی ایم کا جلسہ کی قیادت ٹی ٹی پی کے دوست کر رہے ہیں۔
