مکو آ نہ (رپورٹنگ آن لائن)ٹرانسپورٹ خدمات کی برآمدات میں جاری مالی سال کی پہلی سہ ماہی میں سالانہ بنیادوں پر 4 فیصد کی کمی ریکارڈ کی گئی ہے۔
سٹیٹ بینک کی جانب سے جاری کردہ اعدادوشمار کے مطابق مالی سال کی پہلی سہ ماہی میں ٹرانسپورٹ خدمات کی برآمدات کا حجم 197 ملین ڈالر ریکارڈ کیا گیا جو گزشتہ مالی سال کی اسی مدت کے مقابلے میں 4 فیصد کم ہے۔گزشتہ مالی سال کی اسی مدت میں ٹرانسپورٹ خدمات کی برآمدات کا حجم 205 ملین ڈالر ریکارڈ کیا گیا تھا۔ ستمبر میں ٹرانسپورٹ خدمات کی برآمدات سے ملک کو 68 ملین ڈالر زرمبادلہ حاصل ہوا جو گزشتہ مالی سال کی اسی مدت کے مقابلے میں 9 فیصد کم ہے۔
گزشتہ سال ستمبر میں ٹرانسپورٹ خدمات کی برآمدات کا حجم 75 ملین ڈالر ریکارڈ کیا گیا تھا۔ اگست کے مقابلے میں ستمبر میں ٹرانسپورٹ خدمات کی برآمدات میں ماہانہ بنیادوں پر ایک فیصد کا اضافہ ہوا۔ اگست میں ٹرانسپورٹ خدمات کی برآمدات کا حجم 67 ملین ڈالر ریکارڈ کیا گیا تھا جو ستمبر میں بڑھ کر 68 ملین ڈالر ہوگیا۔
