مظفر آبا د(رپورٹنگ آن لائن)پاکستان کے مایاناز وکٹ کیپر کامران اکمل مظفرآباد سٹیڈیم کی خوبصورتی کے گرویدہ ہو گئے۔ میڈیا سے گفتگو کرتے ہوئے انہوںنے کہاکہ مظفرآباد سٹیڈیم کا وینیو خوبصورت ترین وینیو ہے،میں پہلی بار کرکٹ کھیلنے مظفرآباد آیا ہوں،مظفرآباد کرکٹ سٹیڈیم سائوتھ افریکا اور ویسٹ انڈیز کے سٹیڈیم سے بھی خوبصورت ہے۔
انہوںنے کہاکہ مظفرآباد سٹیڈیم چاروں طرف پہاڑوں میں گھیرا ہوا ہے جو اپنی مثال آپ ہے۔ انہوںنے کہاکہ جب اس سٹیڈیم کے لائیو مناظر جائیں گے تو دنیا دیکھے گی۔ انہوںنے کہاکہ کے پی ایل کی مینجمنٹ مبارک باد کی مستحق ہے جنوں نے یہ زبردست لگ آرگنائیز کی۔انہوںنے کہاکہ یہ لیگ کشمیری نوجوانوں کے لیے ایک بہترین موقع ہے۔ انہوںنے کہاکہ ہم کرکٹ ذریعے اس لیگ کو کامیاب بنائیں گے۔
