اسلام آباد(رپورٹنگ آن لائن)وفاقی وزیر ریلوے محمد حنیف عباسی نے ایف سی ہیڈ کوارٹر پر خوارج کے حملے کی شدید مذمت کرتے ہوئے کہا ہے کہ بروقت کارروائی سے بہادر جوانوں نے حملہ آوروں کو کیفرِ کردار تک پہنچایا۔ اپنے بیان میں وفاقی وزیر ریلوے نے جانباز اور بہادر اہلکاروں کو خراجِ تحسین پیش کیا۔
انہوں نے کہا کہ خوارج کی بڑی دہشت گردانہ کارروائی ناکام بنانا ہمارے جوانوں کی غیر معمولی بہادری اور پیشہ ورانہ صلاحیت کا ثبوت ہے۔پوری قوم اپنے بہادر فورسز کے شانہ بشانہ کھڑی ہے۔
