اسلام آباد(رپورٹنگ آن لائن)وفاقی وزیر داخلہ رانا ثنا اللہ نے کہا ہے کہ جیل بھرو تحریک کا اصل مقصد ڈراما رچا کر میڈیا کی توجہ حاصل کرنا ہے، تفصیلات کے مطابق منگل کو وفاقی وزیر داخلہ رانا ثنا اللہ کی زیر صدارت امن و امان کی صورتحال سے متعلق اجلاس ہوا،جس میں پی ٹی آئی کی جیل بھرو تحریک کے تناظر میں امن و امان کی صورتحال پر تفصیلی بریفنگ دی گئی،
اجلاس میں پی ٹی آئی کی جیل بھرو تحریک کے تناظر میں امن و امان کی صورتحال ہر حال میں یقینی بنانے کا فیصلہ کیا گیا،ااجلاس میں فیصلہ کیا گیا کہ امن وامان کی صورت حال کو ہر صورت یقینی بنایا جائے گا اور قانون توڑنے والوں کو گرفتار کیا جائے گا، قانون توڑنے والوں کو گرفتار کیا جائے گا،اجلاس میں یہ بھی طے پایا کہ امن دشمنوں کا ریکارڈ رکھا جائے اور اسے ان کے کیریکٹر سرٹیفکیٹ میں واضح کیا جائے گا،اجلاس سے خطاب کرتے ہوئے رانا ثنا اللہ کا کہنا تھا کہ جیل بھرو تحریک کا اصل مقصد ڈرامہ رچا کر میڈیا کی توجہ حاصل کرنا ہے،وزیر داخلہ نے کہا کہ قانون توڑنے والوں کے خلاف شواہد اکٹھے کرکے عوام کے سامنے لائے جائیں۔
