اوکاڑہ
( شیر محمد) اجلاس میں کمشنر ساہیوال ڈویژن ڈاکٹر آصف طفیل اور ڈپٹی کمشنر احمد عثمان جاوید کی شرکت کی، اس موقع پر ممبر صوبائی اسمبلی میاں محمد منیر اور الیگی رہنما راؤ محمد اجمل سمیت محکمہ زراعت کے افسران اور کسانوں کے نمائندے بھی موجود تھے، ڈائریکٹر زراعت ساہیوال محمد شہباز نے ذرا یہ اجناس کی صورتحال اور محکمہ کی جانب سے کیے جانے والے اقدامات والی تفصیلی بریفنگ دی،
صوبائی وزیر زراعت و لائیو سٹاک سید عاشق حسین کرمانی نے کہا کہ پنجاب میں رواں سیزن گندم کی کاشت کا ہدف 1 کروڑ 65 لاکھ ایکڑ مقرر کیا گیا ہے، گندم ملکی فوڈ سکیورٹی کے لیے ناگزیر ہے، ساہیوال ڈویژن میں گندم کی کاشت کا سو فیصد ہدف 5 دسمبر تک یقینی بنایا جائے، گندم کی بوائی کے نتائج بڑے حوصلہ افزا ہیں، محکمہ زراعت کی جانب سے 9 لاکھ روپے فی سپر سیڈر سبسڈی کی فراہمی کی جا رہی ہے،
انہوں نے کہا کہ ربیع سیزن میں پہلی دفعہ کھادیں مقرر کردہ نرخوں سے کم قیمت پر وافر مقدار میں دستیاب ہیں، وزیراعلیٰ پنجاب کی ہدایت پر سرکاری رقبوں پر 100 فیصد گندم کاشت کرائی جائے،محکمہ زراعت کو کسانوں کے ساتھ روابط مزید مضبوط کرنے کے احکامات جاری کیے جا چکے ہیں، صوبائی وزیر نے کہا کہ وزیراعلیٰ پنجاب کی ہدایت پر گندم کے پیداواری مقابلہ جات کا انعقاد کیا جا رہا ہے، پیداواری مقابلوں میں جیتنے والے گندم کے کاشتکاروں کو ٹریکٹرز سمیت کروڑوں روپے کے نقد انعامات دئیے جائیں گے، صوبائی سطح پر اول انعام 85 ہارس پاور، دوم 75 ہارس پاور اور سوئم 60 ہارس پاور ٹریکٹرز ہیں، ضلعی سطح پر پہلا انعام 10 لاکھ روپے، دوسرا 8 لاکھ روپے اور تیسرا انعام 5 لاکھ روپے نقد مقرر کیا گیا ہے۔
