لاہور( رپورٹنگ آن لائن)پنجاب کی سینئر صوبائی وزیر مریم اورنگزیب نے کہاہے کہ وزیراعلی پنجاب مریم نواز شریف کی جنگلی جانوروں اور نایاب پرندوں کی حفاظت اور فروغ کے وژن پر عملدرآمد جاری ہے اور اس سلسلہ میں محکمہ جنگلی حیات کی ٹیموں نے جھنگ اور تونسہ بیراج کے علاقوں میں کارروائیاں کرتے ہوئے نایاب نسل کے 5 آبی پرندوں (نیل بلائی) اور ریچھ کو غیرقانونی قبضے سے برآمد کر لیاہے ـ
سینئر صوبائی وزیر نے بتایاکہ برآمد ہونے والے آبی پرندوں ،نیل بلائی کو دریائے سندھ کے اپ اسٹریم میں آزاد چھوڑ دیا گیا ہے جبکہ غیر قانونی شکار میں استعمال ہونے والا سامان بھی قبضے میں لے لیا گیا اورملزمان کے خلاف ایف آئی آر درج کرواکرچالان تیار کر کے عدالت میں پیش کر دیا گیاہے .
ـپنجاب کی سینئر صوبائی وزیر مریم اورنگزیب نے محکمہ جنگلی حیات کی چھاپہ مار ٹیم کے افسران اور عملے کو شاباش دیتے ہوئے کہاکہ غیرقانونی شکار کرنے اور جنگلی جانوروں کو تحویل میں رکھنے والوں کے خلاف سخت کارروائی ہوگیـ
