لاہور(رپورٹنگ آن لائن) وزیراعلی پنجاب عثمان بزدار نے صوبے میں موسلادھار بارشوں کے پیش نظر واسا اور متعلقہ انتظامیہ کو الرٹ رہنے کا حکم دے دیا۔ تفصیلات کے مطابق وزیراعلی پنجاب نے متعلقہ اداروں کو حکم دیا ہے کہ موسم کی صورت حال کے تسلسل کے ساتھ مانیٹرنگ کی جائے، نکاسی آب کے لیے وضع کردہ پلان پر ہر صورت عمل ہونا چاہیے۔
انہوں نے زور دیا کہ بارش کی صورت میں پانی کانکاس کم سےکم وقت میں کیا جائے۔ عثمان بزدار کا کہنا تھا کہ بارشی پانی کی جلد نکاس میں کوتاہی برداشت نہیں کروں گا، شہریوں کو بارش کےدوران مشکل کا سامنا نہیں ہونا چاہیے، ٹریفک رواں دواں رکھنے کے لیے انتظامات کیے جائیں۔
