لاہور(رپورٹنگ آن لائن) وزیراعلی پنجاب عثمان بزدار نے کہا ہے کہ کرونا کے دوران منفی سیاست کرنے والوں کو منہ کی کھانا پڑی،
اپوزیشن رہنماﺅں کو جھوٹ کی سیاست سے توبہ کر لینی چاہیے۔تفصیلات کے مطابق اپنے بیان میں عثمان بزدار کا کہنا تھا کہ
وزیراعظم کی قیادت میں حکومت کی انسداد کروناپالیسی کامیاب رہی، اسمارٹ لاک ڈاﺅن سے کرونا کا پھیلا روکنے میں مدد ملی،
عالمی سطح پر بھی وزیراعظم کے انسداد کروناویژن کو سراہا جارہا ہے، اسمارٹ لاک ڈاﺅن سے کافی فائدہ ہوا ہے۔
وزیراعلی نے کہا کہ اپوزیشن کے پاس کوئی حکمت عملی ہے نہ کوئی ایجنڈا، پاکستانی عوام میں اپوزیشن رہنماﺅں کی ساکھ ختم ہوچکی ہے،
دعوے کرنے والے اپوزیشن رہنماﺅں نے عملی طور پر کچھ نہیں کیا۔ان کا کہنا تھا کہ اپوزیشن خود بھی تنہا ہو چکی اور عوام کو بھی تنہا چھوڑ چکی ہیں۔
عثمان بزدار نے کہا کہ اپوزیشن نے کرونا کے باوجود اتحاد اور یکجہتی کو نقصان پہنچانے کی کوشش کی .
لیکن حکومت کی کامیاب حکمت عملی سے ہم نے تمام مفیت کو شکست دی۔
