لاہور(رپورٹنگ آن لائن)وزیراعظم محمد شہباز شریف نے پی ٹی آئی مظاہرین کے پتھرا ئوسے اسلام آباد پولیس کے اہلکار عبد الحمید کی شہادت پر گہرے دکھ اور افسوس کا اظہار کرتے ہوئے واقعے کی شدید الفاظ میں مذمت کی ہے ۔
اپنے بیان میں وزیراعظم نے شہید اہلکار کی بلندی درجات کی دعا اور اہل خانہ سے اظہار تعزیت کرتے ہوئے کہا کہ پی ٹی آئی نے ہمیشہ احتجاج کی آڑ میں تشدد کا راستہ اپنایا ،اسی سیاسی جماعت نے ماضی میں سرکاری ٹی وی کی عمارت پر حملہ کیا اور پارلیمنٹ ہائوس کا گیٹ توڑا ۔وزیراعظم شہباز شریف نے واقعے میں ملوث تمام افراد کو کیفر کردار تک پہنچانے کی ہدایت کی ہے ۔
