اسلام آباد(رپورٹنگ آن لائن ) وفاقی وزیر اطلاعات و نشریات فواد چودھری نے کہا ہے کہ وزیراعظم عمران خان پر قاتلانہ حملے کا منصوبہ سامنے آیا ہے، رپورٹس کے بعد وزیراعظم کی سکیورٹی بڑھا دی گئی۔
سماجی رابطے کی ویب سائٹ پر ٹو ئٹر پر اپنے بیان میں فواد چودھری نے کہا کہ سیکیورٹی ایجنسیوں نے بتایا کہ وزیر اعظم پر قاتلانہ حملے کا منصوبہ سامنے آیا ہے، ان رپورٹس کے بعد وزیر اعظم کی سیکیورٹی بڑھا دی گئی۔
