کراچی (رپورٹنگ آن لائن)ایڈمنسٹریٹر کے ایم سی، سندھ حکومت کے ترجمان و مشیر قانون سندھ بیرسٹر مرتضی وہاب نے دھوبی گھاٹ لیاری پہنچ کر مہران ٹاون کورنگی سانحے میں جان بحق افراد کے لواحقین سے ملاقات و تعزیت کی۔
بیرسٹر مرتضی وہاب نے سندھ حکومت کی جانب سے شہدا کے ورثا کے لئے فی کس دس 10 لاکھ روپے معاوضے کا اعلان کیا اور کہا کہ سندھ حکومت دکھ کی اس گھڑی میں ورثا کے ساتھ ہے۔
بیرسٹر مرتضی وہاب نے ورثا سے گفتگو کرتے ہوئے کہا کہ سندھ حکومت ورثا کے ساتھ ہر ممکن تعاون کریگی پارٹی قیادت کی بھی ہدایت ہے کہ لواحقین کو تنہا نہ چھوڑا جائے انہوں نے کہا کہ سانحے میں جاں بحق افراد کے لئے دس لاکھ روپے فی کس معاوضہ دیا جائیگا زخمی کو بہترین طبی سہولت فراہم کی جارہی ہے حکومت سندھ ورثا کے ساتھ کھڑی ہے۔
