لاہور( رپورٹنگ آن لائن) موسم گرما کی تعطیلات کے بعد تعلیمی ادارے کھل گئے ، پہلے مرحلے میںمیٹرک وانٹرکی نصابی سرگرمیوں کا آغاز کیا گیا، پہلے روز حاضری معمول سے کم رہی ۔
پہلی تا آٹھویں جماعت تک سکول یکم ستمبر سے کھلیں گے۔پہلے روز سکول آنے والے طلبہ و طالبات ایک دوسرے سے گرمجوشی سے ملے اور ایک دوسرے کو موسم گرما میں اپنی سر گرمیوں کی تفصیلات سے آگاہ کیا ۔
موسم گرما کی تعطیلات کے بعد تعلیمی ادارے 15اگست کو کھلنا تھے تاہم موسم کی شدت کے باعث چھٹیوں میں اضافہ کر دیاگیا ۔ بعد ازاں میٹرک اور انٹر کے لئے فیصلہ تبدیل کرتے ہوئے انہیں 18اگست کو کھولنے کا فیصلہ کیا گیا۔۔
