لاہور ( رپورٹنگ آن لائن) قومی ادارہ صحت کے مطابق ملک بھر میں گزشتہ 24گھنٹوں کے دوران کورونا وائرس کے 70کیسز رپورٹ ہوئے۔جمعہ کو قومی ادارہ صحت (این آئی ایچ )کی جانب سے جاری اعدادوشمار کے مطابق ملک بھر میں 24گھنٹوں کے دوران کورونا وائرس کے3ہزار695ٹیسٹ کیے گئے جن میں سے 70افراد کے ٹیسٹ مثبت آئے اس طرح مثبت کیسز کی شرح1.89فیصد رہی اور اس دوران کورونا وائرس سے کوئی مریض جاں بحق نہیں ہوا جبکہ 17مریضوں کی حالت تشویشناک ہے۔
ترجمان کے مطابق ملک کے مختلف شہروں میں 24گھنٹوں کے دوران کئے گئے کورونا ٹیسٹ اور مثبت کیسز کے حوالے سے لاہور میں437افراد میں سے 16 کے ٹیسٹ مثبت آئے اور وہاں پر مثبت کیسز کی شرح 3.66 فیصد رہی۔کراچی میں 402افراد میں سے 32کے ٹیسٹ مثبت آئے اور وہاں پر مثبت کیسز کی شرح 7.96فیصد رہی ،گلگت میں 138میں سے 04کے ٹیسٹ مثبت آئے اور وہاں پر شرح 2.90فیصد رہی جبکہ اسلام آباد میں374 ٹیسٹوں میں سے 05ٹیسٹ مثبت آئے اور شرح 1.34 فیصد رہی۔
