شہباز اکمل جندران۔۔۔
لاہور پارکنگ کمپنی کی طرف سے صوبائی سیکرٹری ایکسائز، چیف ایگزیکٹو ریلوے ہیڈ کوارٹر،سیکرٹری لوکل گورنمنٹ،سیکرٹری فاریسٹ،سیکرٹری کو آپریٹو، سیکرٹری ہائر ایجوکیشن، سیکرٹری ہاوسنگ،سیکرٹری ٹرانسپورٹ،سیکرٹری انڈسٹریز اور سیکرٹری انفارمیشن اینڈ کلچر کو خط لکھا گیا ہے۔
جس میں بیان کیا گیا ہے کہ متذکرہ بالا محکمے ناجائز پارکنگ سٹینڈ چلارہے ہیں جہاں اوور چارجنگ کی شکایات بھی معمول ہیں ہیں۔
خط میں کیا گیا ہے کہ لاہور پارکنگ کمپنی، لاہور میونسپل کارپوریشن کا ذیلی ادارہ ہے۔اور 2013 سے شہر میں پارکنگ اسٹینڈز کے قیام اور ان سے ریونیو کی وصولی کا مجاز ہے۔
تاہم علم میں آیا ہے کہ متذکرہ بالا محکموں نے ناجائز طورپر پارکنگ سٹینڈز بنا رکھے ہیں۔
خط میں کہا گیا کہ ایسے تمام پارکنگ سٹینڈز لاہور پارکنگ کمپنی کے حوالے کیئے جائیں۔
