اسلام آباد (رپورٹنگ آن لائن) اے ایف سی ایشین کپ کوالیفائر میں افغانستان کیخلاف آوے میچ میں مدمقابل ہونے کیلئے قومی فٹبال ٹیم کویت پہنچ گئی۔
دونوں ٹیموں کے مابین اسلام آباد میں کھیلا گیا میچ بنا کسی گول کے ڈرا ہوا تھا جس کے بعد گرین شرٹس آوے میچ کھیلنے کیلئے نجی ایئرلائن سے کویت پہنچی۔
پاکستان اور افغانستان کے درمیان آوے میچ 14 اکتوبر کو کویت کے علی صباح السالم اسٹیڈیم اَرادِة میں کھیلا جانا ہے میچ پاکستانی وقت کے مطابق رات 8 بجے شروع ہوگا۔اے ایف سی ایشین کپ کوالیفائر کے گروپ ای میں پاکستان، افغانستان، میانمار اور شام شامل ہیں۔
