پشاور (رپورٹنگ آن لائن)گورنر خیبرپختونخوا فیصل کریم کنڈی نے پنجاب میں سیلابی پانی کے نقصانات پر گہرے افسوس کا اظہار کرتے ہوئے کہا ہے کہ مستقبل میں ایسے نقصانات سے بچنے کیلئے جامع حکمت عملی اپنانی چاہیے ۔
انہوں نے اپنے ایک بیان میں کہا کہ متاثرین سیلاب کے غم میں پوری قوم انکے ساتھ ہے انہوں نے کہا کہ خیبرپختونخوا بھی سیلاب سے بری طرح متاثر ہوا ہے ، انہوں نے سیلابی صورتحال میں پھنسے ہم وطنوں کی مدد میں مصروف افواج پاکستان ، پولیس اور دیگر انتظامی اداروں کو خراج تحسین پیش کیا ہے انہوں نے کہا کہ پاک فوج نے ہمیشہ پاکستان اور پاکستانی عوام کے تحفظ میں مثالی کردار ادا کیا ہے.
انہوں نے کہا کہ ضرورت اس امر کی ہے کہ ہم بحیثیت قوم متاثرین سیلاب کی امداد اور بحالی میں نہ صرف کردار ادا کریں بلکہ مستقبل میں ایسے نقصانات سے بچنے کیلئے جامع حکمت عملی اپنائیں اور اس پر عمل پیرا ہوں۔
