مکوآنہ (رپورٹنگ آن لائن)فیصل آباد میں رمضان کی آمد سے قبل ہی اشیائے خورونوش کی قیمتوں میں ہوشربا اضافہ ہوگیا ہے.
تاہم دیگر شہروں کی طرح فیصل آباد میں بھی ضلعی حکومت اور انتظامیہ مہنگائی پرقابو پانے میں بری طرح ناکام ہوگئی۔مارکیٹ ذرائع کے مطابق پیاز، ادرک، لہسن،کینو، سیب،کیلا اور پپیتیکی قیمتوں میں اضافہ ہوگیا ہے۔
سیب اور کینو 400 روپے، کیلا 150 روپے درجن ہوگیا ہے، اسٹرابیری کی قیمت میں 100سے300روپے تک اضافہ ہو چکا ہے پیاز کی قیمت 70 روپے اور ٹماٹر 60 روپے کلو ہوگئے انڈے 272روپیدرجن، چینی 160روپے، مٹن 2 ہزار 5 سو روپے اور بڑا گوشت 1000روپے.
اسی طرح تندور کی سادہ روٹی 15سے 20 روپے ہے لیکن اس کا وزن کم کر دیا گیا اور بعض جگہ پر نان کی قیمت 25 سے بڑھا کر 30 روپے کردی گئی۔بیکری آئٹمز میں ڈبل روٹی، انڈے، کیک رس، بسکٹ کی قیمتیں بھی کم نہ ہو سکیں۔
