برسلز (رپورٹنگ آن لائن)یورپی یونین کی خارجہ امور کی سربراہ کایا کالاس نے کہا ہے کہ غزہ میں امداد کے منتظر عام شہریوں کو قتل کرنا ایسا اقدام ہے جس کا کسی طور دفاع نہیں کیا جا سکتا۔
عرب ٹی وی کے مطابق انہوں نے اسرائیلی فوج پر زور دیا کہ وہ فوری طور پر امدادی مراکز کے قریب شہریوں کو نشانہ بنانا بند کرے۔انہوں نے ایکس پر پوسٹ کردہ بیان میں کہا کہ غزہ میں مدد کے منتظر شہریوں کا قتل ناقابلِ دفاع ہے۔
انہوں نے مزید کہا کہ میں نے ایک بار پھر اسرائیل کے وزیر دفاع گدعون ساعر سے گفتگو کی ہے تاکہ انہیں امدادی سامان کی فراہمی سے متعلق ہماری مفاہمت یاد دلاں اور یہ واضح کیا ہے کہ اسرائیلی فوج کو تقسیم کے مراکز پر شہریوں کو ہلاک کرنا بند کرنا ہو گا۔
