پشاور ( آن لائن )وفاقی وزیر برائے منصوبہ بندی و ترقی اسد عمر نے کہا ہے کہ عوام اسٹینڈرڈ آپریٹنگ پروسیجرز(ایس او پیز) پر عمل کریں اور احتیاط کے ساتھ عید سادگی سے منائیں۔کورونا پھیلاﺅ روکنے میں صوبائی حکومتوں نے اہم کردار ادا کیا ہے ۔
پشاور میں نیشنل کمانڈ اینڈ آپریشن سینٹر (این سی او سی) کے اجلاس کے بعد میڈیا بریفنگ میں اسد عمر نے کہا کہ ملک میں وبا کے پھیلاو میں واضح کمی نظر آرہی ہے اور اموات میں بھی کمی واقع ہوئی ہے۔انہوں نے کہا کہ جو محنت کی گئی اس کا نتیجہ نظر آرہا ہے لیکن وبا ابھی تک پورے پاکستان میں موجود ہے۔وفاقی وزیر نے کہا کہ قربانی سنت ہے اور ہر صاحبِ حیثیت شخص چاہتا ہے کہ وہ قربانی کرے، یہ ہم سب کا حق ہے اور فرض بھی ہے لیکن اس کے ساتھ ساتھ دین نے ہمیں سبق دیا ہے کہ خود کی اور دوسروں کی صحت، روزگار کا خیال رکھنا اور ایسا کوئی کام نہ کریں جس سے دوسروں کو کوئی نقصان ۔
انہوں نے کہا کہ اس لیے بہت ضروری ہے کہ ہم سادگی کے ساتھ عید منائیں اور اس طرح قربانی کریں کہ وبا کے پھیلاو¿ میں تیزی نہ آئے۔اسد عمر نے نے کہا کہ کورونا وائرس ختم نہیں ہوا ابھی احتیاط کی ضرورت ہے لہذا عوام اسٹینڈرڈ آپریٹنگ پروسیجرزپر عمل کریں اس موقع پر وزیر اعلیٰ خیبر پختونخواہ محمود خان نے کہا کہ وفاقی وزیر منصوبہ بندی اسد عمر کو پشاور آنے پر خو ش آمدید کہتا ہوں جس طر ح انہوں نے عوام سے عید سادگی سے منانے کی اپیل کہ ہے میں بھی عوام الناس سے اپیل کر تا ہوں کے وہ عید سادگی سے منائےں اور احتیاطی تدابیر اخیتار کر یں انہوں نے کہا کہ عید الضحی کورونا وباءسے شہید ہونےوالوں کے نام کر تے ہیں
