اسلام آباد(رپورٹنگ آن لائن)وفاقی وزیر برائے اطلاعات و نشریات عطاء اللہ تارڑ نے نیشنل پریس کلب کے سابق صدر شکیل انجم کی اہلیہ کے انتقال پر گہرے دکھ اور افسوس کا اظہار کیا ہے۔
ہفتے کو اپنے تعزیتی بیان میں وفاقی وزیر اطلاعات و نشریات نے سوگواران سے دلی تعزیت اور ہمدردی کا اظہار کرتے ہوئے کہا کہ شکیل انجم کی اہلیہ کے انتقال کی خبر سن کر دلی رنج ہوا، مرحومہ کی وفات لواحقین کے لیے ناقابلِ تلافی نقصان ہے۔
انہوں نے کہا کہ دکھ کی اس گھڑی میں وہ شکیل انجم اور ان کے اہل خانہ کے غم میں برابر کے شریک ہیں۔ انہوں نے دعا کی کہ اللہ تعالیٰ مرحومہ کو اپنے جوارِ رحمت میں اعلیٰ مقام اور پسماندگان کو یہ صدمہ صبر و حوصلے سے برداشت کرنے کی توفیق عطا کرے۔
