کراچی (رپورٹنگ آن لائن) مقبول ترین گلوکار عاطف اسلم کی نئی میوزک ویڈیو رفتہ رفتہ کا جمعہ کے روز ٹیزر جاری کردیا گیا ۔عاطف اسلم کی اس میوزک ویڈیو میں پاکستان کی ہر دلعزیز اداکارہ سجل علی بھی اپنی خوبصورتی کے جلوے بکھیرتی نظر آرہی ہیں ۔گزشتہ روز عاطف اسلم نے فوٹو اینڈ ویڈیو شیئرنگ ایپ انسٹاگرام پر ایک اپنی نئی میوزک ویڈیو رفتہ رفتہ کے پوسٹر کی ایک ویڈیو کلپ شیئر کی۔
عاطف اسلم نے یہ ویڈیو کلپ شیئر کرتے ہوئے بتایا ہے ان کی اس نئی میوزک ویڈیو کا ٹیزر 16 جولائی کو ریلیز کیا جائے گا۔میوزک ویڈیو کے اس پوسٹر ویڈیو کلپ کو اداکارہ سجل علی نے بھی اپنے انسٹاگرام اکاونٹ پر شیئر کیا ہے۔ترون چوہدری اور عمر احمد کی پروڈیوس کردہ اس میوزک ویڈیو کے ہدایتکار حسام بلوچ ہیں جبکہ میوزک اور بول مشہور پنجابی سنگر راج رنجودھ نے لکھے ہیں۔
