انقرہ (رپورٹنگ آن لائن) ترکی کے صدر رجب طیب اردوان اور وزیر دفاع نے ترک برّی افواج کو اپنے قیام کی 2 ہزار 229 ویں سالگرہ مبارک پیش کی ہے۔ترک نشریاتی ادارے کے مطابق صدارتی دفتر کے ٹویٹر پیج سے جاری کردہ بیان میں کہا گیا ہے کہ ” ہم ترک برّی افواج کے قیام کی 2 ہزار 229 ویں سالگرہ کی مبارکباد پیش کرتے ہیں۔ ہم تمام شہداء اور غازیوں کے احسان مند ہیں اوراللہ رب العزت سے ان کے لیے رحمت و مغفرت کے طلبگار ہیں”۔
دوسری جانب ترکی برّی فوج کمانڈ آفس کے قیام کی سالانہ یاد کے موقع پر وزیر دفاع کی طرف سے برّی فوج کے ذخیرے میں موجود اسلحے اور گاڑیوں، برّی فوج کے آپریشنوں اور جنگی مشقوں کے مناظر پر مشتمل ایک ویڈیو شئیر کرتے ہوئے قوم اور افواج کو مبارک پیش کی ہے۔
اپنے پغام میں انہوں نے کہا ہے کہ ’’ہماری پْرعظمت تاریخ کے ایک ناگزیر حصے، شاندار فتوحات کی معمار، ہمیشہ چوکس و چوکنا اور اصیل ملت کی تابع فرمان ترک برّی فوج اور قوم کو فوج کے قیام کی 2 ہزار 229 ویں سالگرہ مبارک ہو”۔
