کراچی(رپورٹنگ آن لائن)صدرِ مملکت آصف علی زرداری نے سری لنکا میں شدید بارشوں کے باعث آنے والے سیلاب اور لینڈ سلائیڈنگ سے قیمتی جانوں کے ضیاع اور املاک کو پہنچنے والے نقصان پر گہرے دکھ اور افسوس کا اظہار کیا ہے ۔
صدرِ مملکت نے جاں بحق افراد کے لواحقین سے دلی ہمدردی اور تعزیت کااور متاثرہ عوام کے ساتھ یکجہتی کا اظہار کیا۔انہوںنے کہا کہ پاکستان اس مشکل گھڑی میں سری لنکا کے عوام کے ساتھ کھڑا ہے۔موسمیاتی تبدیلی ایک ناقابلِ تردید حقیقت ہے جو گلوبل ساتھ کے ممالک کو زیادہ متاثر کر رہی ہے، باوجود اس کے کہ اس تبدیلی میں ان کا کردار نسبتا کم ہے۔
صدر زرداری نے کہا کہ پاکستان خود موسمیاتی تبدیلی کے سنگین اثرات سے متاثر رہا ہے اور اس تناظر میں متاثرہ ممالک کے درمیان باہمی تعاون اور مشترکہ حکمتِ عملی کی اشد ضرورت ہے۔صدرِ مملکت نے بحران کے وقت ایک دوسرے کی مدد کے ساتھ ساتھ موسمیاتی لچک، تیاری اور تخفیف سے متعلق مشترکہ اقدامات پر زور دیا۔
انہوںنے سری لنکا کے صدر انورا کمارا ڈسانائیکے کے نام تعزیتی پیغام میں حکومت اور سری لنکا کے عوام سے دلی ہمدردی کا اظہار کیا۔صدرِ مملکت نے جاں بحق ہونے والوں اور زخمیوں کی جلد صحتیابی کی دعا کی
