کراچی (ر پورٹنگ آن لائن) پاکستان کرکٹ ٹیم کے سابق کپتان شاہد آفریدی نے ترکی کے جنگلات میں آتشزدگی سے ہونے والے جانی و مالی نقصان پر افسوس کا اظہار کیا ہے۔شاہد آفریدی نے ٹوئٹر پر ترکی میں پیش آنیوالے آتشزدگی کے واقعے پر گہرے دکھ کا اظہار کیا ہے۔انہوں نے اپنے ٹوئٹ میں لکھا کہ ‘یہ دیکھنا دلخراش ہے کہ آگ نے ترکی کے کئی علاقوں کو تباہ کردیا’۔
شاہد آفریدی نے لکھا کہ ‘جس کے نتیجے میں وہاں کے مقامی لوگوں اور جانوروں کی زندگیوں کا نقصان ہوا’۔انہوں نے ترکی کے عوام کیلئے دعا کرتے ہوئے لکھا کہ’میری دعائیں فائر فائٹرز، امدادی کارکنوں اور شہریوں کے ساتھ ہیں جو آگ کا مقابلہ کررہے ہیں’۔
